NRK Meny

Ii leat ovtta oaivvil vuohttá

Mannan váhkoloahpa lei Finnmárkku stuorámus bellodagas, Bargiid Bellodagas, jahkečoahkkin. Doppe sii mearridedje doarjut Fálesnuori ruvkeplánaid. Doppe lei nana eanetlohku geat dadje jo ruvkii, muhto ledje 14:s geat eai dorjon evttohusa ahte Fálesnuori ruvkii lea dehálaš Finnmárkui. Sámedikki Bargiid Bellodat joavkku áirras Mariann Wollmann Magga oaivvilda dát čájeha ahte ii leat ovttaoaivilvuohta áššis su bellodagas, ja ahte dat lea juoidá mii berre oidnosii.