NRK Meny

Ii leat dábálaš váldit loana

Ii leat dábálaš ahte gielddat mat leat ROBEK listtus váldet loana vai sáhttet áŋgiruššat ođđa ealáhus-doaimmaid. Ikte mearridii Porsáŋgu gielddastivra váldit 35 millijovdna kruvdnosaš loana, ja ruđat galget mannat ruhtadit ođđa jorggihanhápmanprošeavtta. Go jo gielda lea ROBEK listtus de galgá Finnmárkku fylkkamánni Justiisa- ja servodatdirektevra Stian Lindgård dohkkehit Loana.