NRK Meny
Normal

Ii juollut eanet ruđa

Justisdepartemeanta ii leat lohpidan eambbo ruđa Finnmárkku komišuvdnii, nugo sámediggepresideanta Egil Olli čuoččuha.

Astri Aas-Hansen (Ap), statssekretær i justisdepartementet
Foto: Ragnhild Bjørge / NRK

– Sii juolludit dušše dan, maid Finnmárkku komišuvdna
lea juo ožžon. Nu lohká Justisdepartemeantta stáhtačálli Astri Aas-Hansen.

GULDAL:

Justisdepartemeantta stáhtačálli lohká iežas čuohkkinastán Norgga sámediggepresideanttain, Egil Olliin, Finnmárkku komišuvnna ruhtadili birra. Son goitge biehttala, ahte sii livčče lohpidan eambbo ruđaid, nugo Olli čuoččuha.

– Dat lea Domstolsadministrašuvnna dahjege nu gohčuduvvon riektehálddahusa ovddasvástádus juolludit dárbbašlaš ruđaid, vai Finnmárkku komišuvdna sáhtášii ollašuhttit Stuorradikki mearrádusa, Aas-Hansen čilge NRK Sámi Radioi.

Áitá geassádit

Domstolsadministrašuvdna lea juolludan váile vihtta miljon ruvnnu unnit, go Finnmárkku komišuvdna lei dáhtton. Komišuvnna jođiheaddji, Jon Gauslaa, lea lohkan áigut geassádit komišuvnnas, jus eai oaččoš eanet ruđa.

Jon Gauslaa, leder for Finnmarkskommisjonen.
Foto: Nils Henrik Måsø / NRK

Domstolsadministrašuvnna stivrajođiheaddji, allarievtti duopmár, Karl Arne Utgård, ii goitge loga iežaset sáhttit juolludit eanet ruđa.

Karl Arne Utgård
Foto: Heiko Junge, Junge, Heiko

– Sis lea čoahkkin Justisdepartemeanttain ođđajagimánus. Dán čoahkkimis son áigu ságastallat maiddái Finnmárkku komišuvnna ruhtadilis, Utgård muitala.

Finnmárkku kommišuvnna ulbmilin lea gártet dálá geavahan- ja eaiggáduššanvuoigatvuođaid, maid sámi álbmot ja earát ležžet olahan guhkesáiggi geavaheami vuođul.