Hopp til innhold

Ii gierddašii šat ođđa dikki goddináššis

GUATEMALA: Riikka doaktárat gávnnahan ahte ovddeš diktáhtor, generála Efrain Rios Montt, ii leat dan mađe mielaid alde ahte gierddašii ođđa diggeášši vearredaguidis ovddas.

Efrain Rios Montt

Guatemala ovddeš diktáhtor Efrain Rios Montt navdojuvvo leat gottihan máŋga duhát maya-olbmo.

Foto: Luis Soto / Ap

Guatemala ovddeš generála stivrii oanehis áiggi riikka 1980-logus ja navdojuvvo leat gottihan 2000 maya-olbmo.

Doaktáriid árvvoštallan váikkuha guovtti diggeáššái, main Rios Montt lea áššáskuhttojuvvon bidjan geaskku goddit čuđiid mielde eanadoallodálolaččaid ja badjel 1000 ixil-mayaid.

Generála Rios Montt gávnnahuvvui sivalažžan álbmotgoddimis ja soahterihkkosiin guokte jagi dás ovdal, ja dubmehalai oktiibuot 80 jagi giddagassii.

Alimusriekti lea gomihan duomu

Ovddeš diktáhtor ja su dalá militeara vákšunhoavda leigga áššáškuhttojuvvon go leigga gohččon soahteveaga álbmogassii goddit (dahjege massakreret) 15 ixilmaya čeardda báikegotti Quiche guovllus Davvi-Guatemalas. Dáin fallehemiin gottii soahteveahka badjel 1700 olbmo.

Guatemala alimusriekti gomihii almmage duomu áššemeannudeami geažil ja gohčui ođđa dikki doallat.

Dán jagi ođđajagemánus álggii diggi Rios Montt vuostá, muhto bissehuvvui danne go dikki doapmár lei almmolaččat albmanahttán oaiviliid álbmotgoddima birra studeantabargobihtás.

Ođđa diggi galggai álgit dál suoidnemánus. Dás ii dáidde boahtit mihkkege dasgo doaktáriid raportta mielde lea Guatemala ovddeš stáhtaoaivámuš mielalaččat gealbboheapme.

Publisert

Mer fra NRK Sápmi

Korte nyheter

  • Ođđasat - Davvisámegillii

    Gonagas Harald barggus fas vuossárgga

    Gonagas Harald lea barggus fas cuoŋománu 22. beaivvi.

    Dan dieđiha Šloahta iežaset neahttasiidduin, gos šloahta almmolaš prográmma lea.

    Doppe čuožžu ahte Gonagas vuostáiváldá suodjalushoavdda audienssas Šloahtas vuossárgga. Ruvdnoprinsa maid searvá dasa.

    Gonagas lea leamaš buohccindieđihuvvon guovvamánu rájes, go buohccái luomus Malaysias.

  • Ođđasat - Davvisámegillii

    Sii leat ohcan barggu Sámedikki gulahallanhoavdan

    Ovccis leat ohccan barggu Norgga Sámedikki gulahallanhoavdan, earet eará Johan Vasara (Bb) ja Inger Elin Utsi.

    Ohccit leat:

    Beaivválaš jođiheaddji Mikkel Sibe (25). Son jođiha Universitas aviissa.

    Okta ohcci lea čiegus.

    Eilert Sundt (59), gulahallanráđđeaddi Hammerfeastta gielddas.

    Hanne Holmgren Lille (39), spesiálaráđđeaddi Romssas.

    Dan Robert Larsen (62), NRK Sámi journalista Romssas.

    Astrid Krogh (40), gulahallanráđđeaddi Áltás.

    Johan Vasara (35), ráđđeaddi Guovdageainnus.

    Inger Elin Utsi (48), seniorráđđeaddi Áltás.

    Oddgeir Isaksen (58), journalista Áltás.

    Johan Vasara på Kautokeino Aps valgvake.
    Foto: Nils John Porsanger / NRK
  • Kong Harald innlagt på sykehus

    Kongen er tilbake på jobb mandag

    Kong Harald er tilbake på jobb 22. april.

    Det opplyser Slottet på sine nettsider, hvor kongehusets offisielle program står oppført.

    Her står det at kongen vil motta forsvarssjefen i audiens på Slottet på mandag. Kronprinsen vil også være til stede.

    Kong Harald har vært sykemeldt siden han i februar ble syk under et ferieopphold i Malaysia. I begynnelsen av april ble sykemeldingen hans forlenget i to uker.

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen