Ii fuollan «sámi ámadaju»

Árran Julevsámi guovddáža direktevra, divttasvuotnalaš Lars Magne Andreassen, dovddasta ahte nuorran árvvoštalai čuohpaduvvot ámadajus, nu ahte ii galgan leat vejolaš oaidnit ahte lea sápmelaš. Nu muitala rahpasit Museumsnytt-nammasaš bláđđái. Odne dadjá Andreassen iežas heahpanan ahte nu jurddašii nuorran, muhto čujuha ovddeš dáruiduhttinpolitihkkii váldočilgehussan.

Lars Magne Andreassen,  Árran - lulesamisk senter
Foto: Simon Piera Paulsen / NRK

Korte nyheter

  • Dálkkádatgássa mearri allat

    Eai goassege ovdal leat mihtidan nu alla dálkkádatgássa meari dahje suhkodaga áimmus go diibmá. Dan čájeha ON Máilmmi meteorologalaš organisašuvnna raporta. Luoitimat geahppánedje diibmá go koronapandemiija geažil unnui sihke mátkkošteapmi ja ekonomalaš aktivitehta. Muhto dat ii váikkuhan dálkkádatgássa suhkodahkii. Raporta almmuhuvvui aiddo ovdalaš dálkkádatnjunusčoahkkima, mii lea Glasgowas Skottlánddas golggotmánu 31. beaivve.

    Climateworks jobber med å fjerne klimagassen CO2 fra vanlig luft. Bildet viser et pilotanlegg montert på taket til et avfallsfobrenningsanlegg i Hinwil, Sveits.
    Foto: Julia Dunlop / Climeworks
  • Ođđa njuolggadusat viessovuovdimii

    Boahtte jagi álggu rájes de lea dus, viessovuovdin, stuorát ovddasvástádus viesu feaillaid ja váilliid dáfus. Earret eará ii leat šat lohpi vuovdit viesu "dan ortnegis go dat lea oasttedettiin" iige oasti sáhte váidit daid feaillaid vuođul, mat viessoraporttas namuhuvvojit. Norsk Takst suorgeorganisašuvdna lohká njuolggadusaid ferten rievdadit go menddo dávjá čuožžilit vuovdi ja oasti gaskii soahpameahttunvuođat. Ođđa njuolggadusaid mearridii Stuorradiggi miessemánus ja dat bohtet fápmui ođđajagimánu vuosttas beaivve 2022.

  • Gievrras unjárgalaš NM-gilvvuin

    Unjárgalaš Hannah Sire Noste vuittii mannan vahkkoloahpa guokte medálja norggameašttirgilvvuin NM styrkeløft. Son faskii silbba ja bronšša knebøy ja benkpress surggiin. Noste ovddasta Øksfjord AK searvvi.

    Hannah Sire Noste under NM i styrkeløft 2021
    Foto: Skjermdump Instagram