NRK Meny
Normal

Ii dohkke šat sadjásaš presideantan

- Ártegis bargovuohki NSR:s go minguin ii váldde oktavuođa, lohká otná sadjásaš presideanta Johan Mikkel Sara.

Johan Mikkel Sara
Foto: Marie Elise Nystad / NRK

Sámedikki sadjásašpresideanta Sara lea hirpmástuvvan go NSR:a ii oba dieđit ge iežas ovttasbargo jovkui ahte áigu ođđa doaibmi presideantta.

- NSR:s dat han leat njeallja ovttasbargo guoimmi Sámedikkis, ja sadjásaš presideanta maid lea juo válljejuvvon. 

Ártegis bargovuohki NSR:s, lohká Sara. Dál ii loga šat váldit NSR:a duođas.

 

 - Rihkku ovttasbargošiehtadusa

- Go NSR:a ii váldde iežas ovttasbargo guimmiiguin oktavuođa sadjásaš presideanta áššis, de lea dalle rihkkumin dan šiehtadusa maid dagai joavkkuiguin dalá maŋŋá válggaid, lohká Sara.

Dasa lassin lea rihkkumin Sámedikki vuođđonjuolggadusaid, oaivvilda Sara.

Lea go NSR:a dán dahkamin dan geažil go dat leat don gii leat sadjásaš presideanta?

- Na, dan mii gal diehtit buohkat ahte lei oalle bahča NSR.i dalle addit várrepresideanta ámmáha earáide go NSR:i.  Dasa leamaš cuiggudeamit NSR:a siskkabealde čađat, ja dát lea dego ovttalágain joatkka dan barggus, lohká Sara.

- Njeljješ joavku čoahkkana

Sara lohká ovttasbargojoavkkut dál fertejit čoahkkanit ságastallat dán áššis, maid gohčoda oalle duođalažžan.

Earret Johan Mikkel Sara (Sámit lulli Norggas), de gullet maiddái dát NSR.a ovttasbargojovkui: Terje Tretnes (Sámeálbmot bellodat), Per A Bæhr (Johttisápmelaččaid lista), Olaf Eliassen (Guovddášbellodat).