NRK Meny
Normal

Ii dáidagiid álmmolašsajiin leat beare sirddestit

Ii leat beare sirddestit dáidagiid mat leat almmolaš ásahusaide ostton, jos daid sirdá, de lobáhuššá. KOROin ferte vuos gulahallat.

Dáiddár Aslaug Juliussen dáidagiinnis

Dáiddár Aslaug Juliussen lea dán dáidaga ráhkadan 1989 Kárášjoga kulturvissui. Dál og NRK eaiggáduššá kulturviesu, de lea Juliussen ovttasráđiid KOROin sirdán dáidaga stuorát seaidnái.

Foto: Anne Olli

( Ášši sáhtat gullat vuolemusas dán siiddus sáme- ja dárogillii)

Dáidagat mat leat ostton almmolaš dáluide dahje institušuvnnaide, daid ii leat beare sirddestit. Dáid ii sáhte sirdit go daidda leat sierra mearrádusat maid ferte čuovvut. Danne ferte váldit oktavuođa KOROin mii lea dat ásahus mii bearráigeahččá dáidagiid mat leat ostton almmolaš ásahusaide.

Válde oktavuođa KOROin ja dáiddáriin go áigo sirdit dáidaga

NRK lea oasttán Kárášjoga kulturviesu mii lea gitta NRK Sápmi gárdinis Kárášjogas. Dán ovddeš kulturviesu gáfestallan lanjas lei guhkes dáidda maid NRK Sámi bealis háliidedje sirdit latnjii gos dáidagii lei buorre sadji. Danne válde oktavuođa KOROin, mii fas válddii oktavuođa dáiddáriin gii lei ráhkadan dáidaga.

Dáiddár sirddii dáidaga maid 1989 lei ráhkadan

Dáiddár Aslaug Juliussen lea dál sirdimin dáidaga, mii lea oalle guhki, masa gávci mehtera, ja das leat vel gávci eará oasi mat gullet dáidagiid. Juliussen muitala iežas álggos buhtistan dáidaga, mii lea čuldon dahje stovllain gođđon guhkes dáidda.

Dáiddár Juliussen oaivvilda dáidda lea dál beassan stuorra ja viiddis seaidnái gos dán sáhttá buorebut oaidnit. Son lea giitevaš go su ráhkadan dáidda lea beassan vuohkkasat sadjái.