NRK Meny

Ii bisánan duollus

Mánnodaga maŋŋelgaskabeaivvi ii bisánan biilavuoddji duolludárkkisteamis, Njávdámis, Nuorta-Finnmárkkus.
Biilavuoddji vujii rastá ráji stuora leavttuin, ja son ii bisánan go duollárat vigge bissehit su, muitala Nuorta-Finnmárkku politiijaguovddáža operašuvdnajođiheaddji Tarjei Sirma-Tellefsen.
23-jahkásaš ruoŧŧelaš dat vujii biillain. Politiijat ja duollárat bissehedje su Guovžajávrris, sullii 4-5 miilla eret rájis.
Dievdu váido go lea vuodján duolludárkkisteami meattá.