Luonddugáhttenlihtu jođiheaddji, Lars Haltbrekken, lea ovttaoaivilis ahte goaskin mii lea olu goddán, galgá sáhttit báhčit. Muhto son ii leat ovttaoaivilis Frp:in geat oaivvildit ahte goaskinnálli davvin berre unniduvvot. Son čájeha dasa ahte norgga goaskinnálli lea dan dásis mas dat berre leat. Goaskin ii leat šat rukses listtus. Jus bivdá goaskima go dat ii leat goddán, de sáhttá dat dagahit ahte nálli šaddá beare vuollegaš, dadjá Haltbrekken.
Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.
– Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.
– Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.
Herman Rundberg ja su joavku Manne dat leat ráhkadan dán luođi.