Ii beroštan ulddain jearrat lobi

Dearvvašvuođaministar Bent Høie rabai bearjadaga ođđa Girkonjárgga buohcciviesu. Rahpan lea beannot jagin maŋŋonan ja viessu šaddá mealgat divrasit go plánejuvvon. Ministar ii idjadan sajis ovdalgo huksemat álggahuvvojedje 2014:s. Sámi árbevieru mielde lea dárbu jearrat ulddain lobi hukset. – In jáhke badjelmearálaš ruhtageavaheapmi bođii dan geažil go son ii idjadan dás, dadjá Høie NRKii.