Ii beroš suohkanmearrádusain

Statskog áigu joatkit hálddašit Tromssa ja Nordlándda fylkkaid luonddu nu mo Statskog lea guhká bargan, vaikko njeallje suohkana leat mearridan váldit atnui meahccelága. Nu dadjá Statskog gulahallanhoavda, Trond Gunnar Skillingstad. Son oaivvilda ahte suohkanstivrrain ii leat váldi mearridit galggašgo suohkanat fátmmastuvvot meahccelágas. – Lea dušše Stuorradiggi mii dan sáhttá mearridit, dadjá son.