Hopp til innhold

Eaba leat šlundon, vaikko ii boahtan vuoitu sápmái

Sámi girječálli guovttos eaba vuoitán bálkkašumii Davviriikkaid girjjálašvuođa allaárvosaš doaluin Oslos ikte. Soai eaba leat šlundon dan dihte.

Signe Iversen (tv) og Sollaug Sárgon.

Sámi girječálli guoktái, Sollaug Sárgon ja Signe Iversen lei stuorra gudni leat mielde Davviriikkaid girjjálašvuođa bálkkašumi allaárvosaš doaluin Oslos ikte.

Foto: Mette Ballovara / NRK

Sámi girječálli guoktái, Sollaug Sárgon ja Signe Iversen
lei stuorra gudni leat mielde Davviriikkaid girjjálašvuođa bálkkašumi allaárvosaš doaluin Oslos ikte. Soai lohkaba ahte lei erenomaš somá go ieža leigga maid evttohuvvon bálkkašumi vuoitin.


Vuittii románain mii lea Ruonáeatnama servvodaga birra

Diktagirjjiin «Savvon bálgáid luottastit» lei guovdageainnu nisu Sollaug Sárgon evttohassan girjjálašvuođa bálkkašupmái. Mánáid ja nuoraid girjji bálkkašupmái

Kim Leine får Nordisk litteraturpris 2013

Kim Leine oažžu davviriikkaid girjjálašvuođa bálkkašumi

Foto: Heiko Junge / NTB scanpix

leigga ges čálli Signe Iversen ja Tevdnejeaddji Sissel Horndal sámi evttohassan girjjiin «Mánu gánda ja Heike».
Dánskalaš girječálli guhte lea riegádan Norggas, Kim Leine dat vuittii Davviriikkaid girjjálašvuođa bálkkašumi. Son lea romána čállán Ruoná eatnama servvodaga birra.

Fra venstre: Nan Persen, Åge Persen, Sollaug Sárgon, Signe Iversen og Sissel Horndal.

Iđut girjelágádusa Redaktevra ja beaivválaš jođiheaddjii, Nan ja Åge Persen ja evttohasat Solveig Sárgon, Signe Iversen ja Sissel Horndal.

Foto: Mette Ballovara / NRK

Suopmelaš girječálli Seita Vuorela ges vuittii mánáid ja nuoraid girjjálašvuođa bálkkašumi nuoraid románain «Karikko», masá Jani Ikonen lea sárgon govaid.

Alla áiggálaš bálkkašumi geigejupmi opera viesus Oslos, lei erenoamáš vásáhus buot evttohasaide, go lei vuosttaš geardde historjjás ahte Davviriikkaid ráđi bálkkašumit geigejuvvojedje seammás, go vuoitit almmuhuvvojedje. Nu besse máŋga čuođe duháha olbmo buot davvi riikkain maid tv- sáddagiin oaidnit evttohasaid ja vuitiid.


Jáhkká movttiidahttit olbmuid čálligoahtit


Iđut girjelágádus Porsáŋggus dat lea almmuhan guktuid sámi girjjiid mat dán jagi leigga evttohuvvon bálkkašupmái. Lágádusa beaivválaš jođiheaddji Åge Persen lohka sámi girječálliide ja girjjálašvuhtii mearkkašit ollu ná oidnosii beassat buot davvi riikkain, son jáhkká dán movttiidahttit olbmuid čálligoahtit go oidnet ahte sámegilli čállojuvvon čállosat sáhttet evttohuvvot vuoitin dákkár bálkkašumiide.

Publisert

Mer fra NRK Sápmi

Korte nyheter

  • Ođđasat - Davvisámegillii

    Seminára sámi mánáidgirjjálašvuođa birra: – Dá lea álgu sámi mánáid girjjiide

    Sámedikki girjerájus, Juoigiid searvi ja Norgga mánáidgirjeinstituhtta lágidedje odne rabas seminára sámi mánáid girjjálašvuođa birra Oslos.

    Girječálli Inga Ravna Eira, sámi girječálliid searvvis, lei okta dain gii čuovui seminára.

    – Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.

    Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.

    Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.

    – Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.

    Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.

    – Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.

    Ihttá bargobádjái lohká vuordit ahte dat geat galget doppe hállat doppe buktet árvalusaid muhto maid ahte sii ovttas galggašit gávnnahit juoidá.

    – Dá lea álgu sámi mánáid girjjiide, ja dás rájes de álget várra dahpahuvvot áššit, sávvamis.

    Inga Ravna Eira
    Foto: Iŋgá Káre Márjá I. Utsi / NRK
  • Ođđasat - Davvisámegillii

    Kártadoaimmahat dohkkeha Oslove – mieđihit iežaset ádden ášši boastut

    Kártadoaimmahat lea dál dattetge dohkkehan Oslove nama almmolaš máttasámegiel namman Norgga oaivegávpogii.

    – Mii dat leimmet boastut ádden. Gielda lei ožžon formálalaš rávvaga sámi báikenammanevvohagas maid lága mielde galget dahkat, lohká Kártadoaimmahaga ossodatjođiheaddji Helge Dønvold.

    Kártadoaimmahat šálloša go álggos dieđihedje gildii ahte namma ii dohkkehuvvo.

    Dál álgá Oslo gielda čalmmustahttit gávpoga sámi nama.

    – Lean hui ilus go dát manai bures ja go Oslo sámi namma dál lea almmolaččat dohkkehuvvon, lohká Oslo gávpotráđi njunuš, Eirik Lae Solberg.

    Gávpoga sámi namain sii dáhttot čájehit ahte atnet árvvus sámi kultuvrra, ja čájehit ahte Oslo lea buohkaid oaivegávpot, maiddái buot sámiid oaivegávpot, deattuha son.

    Oslo gieldda neahttasiiddus geavahišgohtet Oslove earret eará gávpoga logos, buohtalagaid gávpoga dárogiel namain.

    Ihtet maiddái áiggi mielde Oslove-geaidnošilttat. Gielda áigu muđuid vel árvvoštallat man láhkai buoremusat čalmmustahttet gieldda sámi nama.

    Oslove lea gávpoga namma máttasámegillii, ja dál juo geavahit sihke searvvit ja ásahusat dán sámi nama Oslos.

    Oslove-skilt på Samisk hus i Oslo.
    Foto: Mette Ballovara / NRK
  • Ådåsa - Julevsábmáj

    Fálli nåvkå varresvuohtakontrållåv

    Dån guhti årru Hábmera suohkanin ja la 40 ja 79 jage gaskan oattjo dal varresvuohtakontrållåv tjadádit masta i dárbaha majdik mákset.

    Vuoratjismáno 29. biejve álggá Saminor3-guoradallam Hábmera suohkanin, ja vihpá gitta ájgen moarmesmáno 14. bæjvváj.

    Guoradallama åvddåla gåhttju Hábmera suohkan ja Saminor3 álmmuktjåhkanibmáj, mij tjadáduvvá uddni vuoratjismáno 25. biejve sebrudakvieson Ájluovtan kl. 17.00 ja Hamsunguovdátjin kl. 20.00.

    Danna Hábmera suohkan galggá subtsastit manen Saminor3 la ájnas gájkajda suohkanin, ja guoradalle galggi subtsastit sisano birra viesátguoradallamin – manen Saminor3 guovte vahko duogen suohkanin sierra varresvuodastasjåvnåv rahpá.

    Vihttalåk suohkana li maŋen Saminor3:n.

    Bilde av faglig leder for Saminor 3-undersøkelsen, Ann Ragnhild Broderstad, foran Saminor-bussen.
    Foto: Solveig Norberg / NRK

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen