NRK Meny

Ii ávkkástallan buot giellaruda

Jáhkkimis ii šatta Romssa fylkkasuohkan geavahit buot guovttegielalašvuođaruđaid maid lea Sámedikkis ohcan ja ožžon dán jahkái. Nu čállá fylkkasuohkan reivves Sámediggái. Lea sáhka badjelaš 100.000 ruvnnos, ja dál bivdá fylkkasuohkan Sámedikkis lobi geavahit báhcán ruđa eará ládje; nammalassii boahtte jagáš sámi 100-jagi ávvudeapmái, ja "Kultuvrralaš skuvlalávka"-ortnegii.