NRK Meny

Ii áiggo bearráigeahččat dál

Nordlándda fylkkamánni Hill Marta Solberg ii bearráigeahččagoađe leago Divtasvuona suohkana meannudan rohcošanáššiid dohkálaš vuogi mielde jagiid čađa. Dan dieđiha VG-aviisa. VG:ii leat máŋggas muitalan ahte sii leat geahččalan muitalit seksuála illástanáššiid birra, muhto ii mihkkege leat dahkkon suohkana bealis. Solberg lohká aviisii ahte juste dál áigot doarjut Divtasvuona suohkana, ja de sáhttet baicca maŋŋil árvvoštallat leago dárbu bearráigeahččat suohkana. Mánáidministtar Solveig Horne lea dadjan ahte sutnje lea imaš go ii oktage leat ovdal dahkan maidege áššiin ja son eaktudii ahte Fylkkamánni árvvoštallá bearráigeahču.