Ii čuojahan gáktegildosa geažil

Sverre Kjeldsberg, gii gieskat jámii, galgá 60-logus oktii leat biehttalan čuojahit konsearttas, Álttás. Sivva lei ahte Kjeldsberg gulai ovdal konseartta ahte olgobáikki bealis eai diktán gávttehasaid boahtit konseartta guldalit ja geahččat. Dán gildosa ii dohkkehan Kjeldsberg. Dáid muitala Simmona-Máhtte, Mattis Hætta, Aftenpostenii. Soai Kjeldsberg:ain vuittiiga Norgga Melodi Grand Prix-lávlungilvvu 1980:s, šuoŋain «Sámi eatnan».

Mattis Hætta i 1980
Foto: Owesen, Paul / SCANPIX