Ii šatta ruovdemáđiija Girkonjárgii

Ruovdemáđiija Suomas Girkonjárgii ii šatta gánnáhahtti ja danne dat ii huksejuvvo, čállá Suoma Hufvudstadsbladet. Bargojoavku mii dáinna lea bargan čállá, ahte dárbu livččii fievrridit 2,5 miljon tonna gálvvu jahkái ja dat ii leat realisttalaš. Ii turisma ge buvttášivčče doarvái dietnasa. – Hirbmat buorre ođas, čállá aktivista Petra Laiti Twitteris.