Korte nyheter

  • Veahkki elfápmorehkegiid máksit

    Olbmot geat rahčet máksimis alla elfápmorehkegiid, fertejit fidnet veahkki. Nu lohká oljo- ja energiijaministtar Marte Mjøs Persen. Davviriikalaš elfápmu børsa Nord Pool dat mearrida hattiid Norggas maid, justa dál leat alla hattit muhtin osiin riikkas.Mátta-Norggas mákset kundarat justa dál guokte kruvnna ja 40 evrre juohke kilowatt diimmus.

    Marte Mjøs Persen
  • Bisseha bálkáfeasta stáhtas

    Finánsaministtar Trygve Slagsvold Vedum ii hálit šat ahte stáhta njunnošat fidnejit badjelmeare alla bálkkáid. Guovddášbellodaga jođiheaddji lohká Dagbladet aviisii ahte son dál háliida rievdadit dan ahte stáhtalaš fitnodagain fidnejit bálkkáid mat eai leat govttolaččat. Earret dan ahte bissehit bálkálassánemiid stáhtabargiide, de Vedum maid dáhtu seamma fitnodagain maid stáhta eaiggáduššá.

    Trygve Slagvold Vedum
    Foto: MATTIS WILHELMSEN / NRK
  • Beaska parlamentáralaš jođiheaddji

    Norgga Sámiid Riikkasearvvi (NSR) Sámediggejoavku lea válljen Beaska Niillasa ođđa parlamentáralaš jođiheaddjin. Muđui leaba Maren Benedicte Nystad Storslett, 2. jođiheaddji ja Sandra Márjá West válljejuvvon jođihit ovttasbargojoavkku Sámedikkis dán áigodagas. Ovttasbargojoavkkus, man joavkkut gohčodit Beaiválgu-joavkun, leat NSR, Ávjovári Johttisápmelaččaid listu ja Guovddášbellodat.

    Maren Benedicte Nystad Storslett, Beaska Niillas og Sandra Márjá West.
    Foto: Aslak Heika Hætta Bjørn / Pressebilde NSR