NRK Meny
Normal

Ii šat Sámedikki jođiheaddjievttohas

Suoma Sámedikki ságajođiheaddji Klemetti Näkkäläjärvi ii leat šat jođiheaddjievttohas boahtte čavčča sámedikkeválggain.

Klemetti Näkkäläjärvi

HEAITÁ: Klemetti Näkkäläjärvi ii leat šat jođiheaddjievttohas.

Foto: Siv Eli Vuolab / NRK

Go jo nákkáhalai ovddit čavčča filosofiija doavttirin Oulu Universitehtas, de dáhttu dál eambbo áiggi dutkanbargguide, muitala Yle Sápmi.

Klemetti Näkkäläjärvi lea leamaš Suoma Sámedikkis guokte áigodaga ja lea dan áigge doaibman ollesáigge ságajođiheaddjin.

Iskat attáldagaid

– Lea áibbas čielggas ahte in leat ságadoallievttohas, muhto lean gal árvvoštallamin ain galggan go Sámediggái vuolgit evttohassan, muhto de dovddan ges muhtin áššiin vaiban, lohká Klemetti Näkkäläjärvi Yle Sápmái.

Näkkäläjärvi dáhttu iskat leat go sus attáldagat dutkanbargui masa lea nákkáhallan.