SVL-N jođiheaddji ii šat dáhtton jođihit

Sámiid valáštallanlihttu (SVL-N) norggabeale jođiheaddji ii šat dáhtton joatkkit SVL-jođiheaddjin. – SVL-N stivra ii lean gulahallan miellahttuservviin stuorra áššis, dadjá gis miellahttusearvvi njunuš.

Kåre Olli under SM 2017

Kåre Olli lea jagi 2015 rájes jođihan Sámiid Valáštallan Lihttu - Norga (SVL-N). Vássán vahkkoloahpa celkkiige ahte ii dáhtto joatkkit jođiheaddjin.

Foto: SVL

Mannan vahkkoloahpa dat lei Sámiid Valáštallan lihtu norggabeale juhkosis jahkečoahkkin Álttás.

Ole Einar Isaksen Hætta

Miellahttuservviid ovddasteaddji, Guovdageainnu valáštallansearvvi njunuš, Ole Einar Hætta.

Foto: Piera Balto / NRK

SVL-N:s lea stuorra proseassa jođus masa stivrra lea bidjan olu návccaid.

Muhto dán proseassas eai dovdda miellahttusearvvit iežaset beassan leat mielde mearrideamis, ja čuoččuhit ahte stivra ii leat gulahaddan miellahttuservviin.

– Mu jođihanáigodat bođii lohppii, ja mun in šat dáhtton joatkkit jođihit. Guldal eanet jearahállamis dás vuollelis artihkkalis manne SVL ovddeš jođiheaddji, Kåre Olli ii šat dáhtton joatkkit jođiheaddjin.

Ii lean dán gal vuordimin

Miellahttuservviid ovddasteaddji, Guovdageainnu valáštallanseavvinjunuš, Ole Einar Hætta ii gal lean vuordimin Kåre Olli mearrádusa, ahte ii dáhtton joatkkit jođiheaddjin.

  • Guldal olles SVL-N jahkečoahkkima dramatihka dás:

SVL-N ođđa stivra:

  • Jođiheaddji: Inga J. Eira, Guovdageaidnu.
  • Nubbijođiheaddji: Ron Knutsen, Bådåddjo.
  • Heargevuoddjin lávdegottejođiheaddji: Inga Margrethe Eira Bjørn, Guovdageaidnu.
  • Dálve ja geassevaláštallanlávdegotti jođiheaddji: Jan Erik Reinås, Skániin.
  • Gealbo-, kultuvrra- ja ovdánahttinlávdegoddejođiheaddji: Emil Dragvik Bakken, Skániin.