Ietjas gábddásav gådå
Ij la álu nágin ietjas gábddásav gåde, nav gåk Berit Kristine Andersen Guvsám (oa.b.). Dálla l sujna vuosádus Silvermusean Árjaluoven Svieriga bielen barggoguojmijnis Laila Susanna Kuhmunenijn. Vuosádus gullu AIDA-prosjæktaj.
– Vaddá ienep árvov ja dåbdov duodjáj, javllá Guvsám gådema birra. Gåvån sunnuv duogen gahper vuojnnu majt Guvsám la ietjas gábddásis gårrum.
Dán birra Julevmagasijnan ienebuv gulá.