Iešsorbmen váttisvuohta
Árktalaš eamiálbmotservvodagain lea iešsorbmen stuorra váttisvuohtan, erenoamážit nuoraid gaskkas. Sivat dása leat earet eará koloniseren ja eanariiddut, ja heajut sosioekonomalaš dilli. Norgga Našunála Álbmotdearvvašvuođainstituhtta lágidage danin riikkaidgaskasaš konferánssa Romssas otná rájes, mas fáddán lea mo easttadit dákkár sorpmiid geavvamis arktalaš guovlluin. Maiddái Sámediggi searvá konferánsii, mii čohkke dutkiid Amerihkas, Kanádas ja Davviriikkain.