Rolf Johnsen Iešjávrris lea máŋggaid jagiid Iešjávrris čoaggán ruskkaid maid olbmot leat guođadan guovllus. Johnsen muitala ahte dilli lei maid vearrái 1970- ja -80-logus. -90-logus buorránii dilli, muhto dál orru fas vearáskan ja Johnsen gal ii šat gille čorget olbmuid maŋis.
Son áigu váldit oktavuođa go deaivá bahádahkkiid ja áigu maid gulaskuddat politiijaiguin movt bargat nuoskkidemiin.