Hukset Ruošša Norgga boazoáiddi

Norgga eanandoallodepartemeanta háliida jođáneamos lági miel ceggegoahtet Ruošša ja Norgga gaskkasaš boazoáiddi.

Áidi galggašii eastadit bohccuid rájáid rasttidit ja dat fertešii ceggejuvvot Beahcaveaji álbmotmeahci čađa.

Departemeanta lea bivdán áiddi jo 2011:s, iige leat čielggas geasa dát ášši gullá, muhto dál dat lea Finnmárkku filkkamánni ovddasvástádus.