Hoteallat fertejit giddet uvssaid

Diibmu gávccis manne lagabui 3500 hotealla ja restauranta bargi bargoheaitagii. Dat dagaha ahte olu hoteallat fertejit giddet uvssaid, ja bargoheaitta váikkuha 350 fitnodahkii Buskerudas, Hordalanddas, Nordlanddas, Oslos, Lulli-Trøndelagas ja Vestfoldas. Bargit guđđet bargguideaset maŋŋel go NHO reiseliv ja Fellesforbundet eai nagodan soahpat ođđa bálkášiehtadusa.