NRK Meny
Normal

Hjulspor

Geainnut leat nu "spuran", lávet muhtumin dadjalit. Muhto oalis-sátni heivešii bures čilget dánlágan siivvu.

Gratangsfjellet
Foto: Nils Mehren / NRK

Juvlaoallásat

Juvlaoalis (juvlaoallásat (ml.)) mearkkaša dárogiel sáni "hjulspor". Go leat muitaleamen mo geaidnu (luodda) lea go lea "spuran", de sáhtášeimmet dadjat omd. ná: Geainnus ledje olu (juvla)oallásat; Geaidnu lea buot (juvla)oalisin; Dál lea dakkár siivu ahte dahká (juvla)oallásiid; Dál lea dakkár siivu ahte šaddet (juvla)oallásat; Gánniha vuodjit várrogasat go sáhttá dahkat oallásiid.

Biilla geasaša

Ja go leat vuodjimin biillain juvlaoalesgeaidnoráigge, de sáhtášii maid dadjat ahte "biilla nu geasaša".

Biilla dolvvoda

Maiddái biegga sáhttá vuojidettiin “ribadit” biilla ja dalle sáhtášii dadjat ná: “Garra biegga dolvvoda biilla".

Gáldu: NRK Sámi Radio dálkeseminára, mii dollojuvvui 28.05.08.