NRK Meny

Hirpmusdálki Tor nohkan

Hirpmusdálki Tor lea dál nohkan. Ain lea garra biegga máŋgga fylkkas, muhto ii bosa šat nu garrasit ahte dan gohčodit šat hirpmusdálkin, dieđihit Meteorologalaš instituhtas. Ikte eahkes ja mannan ija lei hirpmusdálki ovcci fylkkas ja 30 000 olbmo ledje elrávnnji haga. Garra biegga lea billistan viessodáhkiid máŋgga sajis ja golbma olbmo gárte buohccivissui Førdes. Davvi-Trøndelágas ja Nordlánddas lea dál garra stoarbma.