Hilgo skuvlaheaittihan-váidaga

– In sáhte jáhkkit ahte ON mánáidkonvenšuvdna guoská skuvlamátkkiide. De gal livččii min gielda áigá juo rihkkon dan – go gielda lea stuoris ja viiddis. Nie fástida Deanu sátnejođiheaddji, Frank Ingilæ (Bb), Jánoš Trostena váidagii. Trosten lea gieldda váidán fylkkamánnii, go Trosten oaivvilda gielda rihkko konvenšuvnna, go juo gielda lea heaittihan Sirpmá bajásšaddanguovddáža. – Máŋgga ohppiin leat juo guhkit bussemátkkit skuvlii áiggi hárrái, go maid sirpmámánaide šaddá dás rájes, dadjá Ingilæ. Son dadjá lei dárbu guovddáža heaittihit, gielddaekonomiija dihtii.