Helikopter gahčai
16 olbmo jápme helikopterlihkuhisvuođas mii deaividii Guoládatnjárggas Ruoššas lávvardaga, čállá Yle. Ruošša eiseválddiid dieđuid miel lihkuhisvuođas jámii earret eará Murmánskka guovllu várreguvernevra Sergei Skomorokhov.
Helikopteris ledje 18 olbmo go dat gáhčai Munozero jávrái Mátta-Guoládagas. Guovttis besse heakkas lihkuhisvuođas, muhto leaba roasmmohuvvan ja dolvojuvvon buohccivissui.
Suoma Murmánska-konsuláhta dieđuid miel jávrris leat gávdnan 16 olbmo rupmašiid, ja dain leat identifiseren 10 olbmo.
Murmánskka guovllus lea otne morašbeaivi ja levgejuvvo lihkuhisvuođas jápmán olbmuid muitun.