Helga Pedersen jođiheaddjin
Bargiidbellodaga sámepolitihkkalaš ráđđi oaivvilda ahte lea lunddolaš ahte Helga Pedersen doaibmá Bargiidbellodaga jođiheaddjin jus Jens Stoltenberg šaddá Nato generalčállin.
Ii leat dárbu doallat liigejahkečoahkkima válljet ođđa jođiehaddji, go Helga Pedersen han lea Bargiidbellodaga nubbinjođiheaddjin, ja son berre de doaibmat jođiheaddjin gitta plánejuvvon riikačoahkkin cuoŋománus boahtte jagi vállje ođđa jođiheaddji.