NRK Meny
Normal

Heevehtimmie væhtam veeljeme

Daate logo- væhta edtja heevehtimmie jaepiem vuesiehtidh.

Tråante 2017

Daate logo- væhta vuesehte, dah saemien klaerieh dennie gievlesne. Jih dihte gåetie vuesehte ektelen govlesovvieh.

Foto: Pressefoto

Dïhte voestes saemien rïjhketjåanghkoe Tråantesne öörnesovvi goevten 6.b. 1917. Saemiedigkie, Åarjel-Trööndelagen fylhketjïelte jïh Tråanten tjïelte leah ektesne seamadamme 100-jaepienheevehtimmiem mïerhkesjidh jaepien 2017. Edtja heevehtimmiem mïerhkesjidh dovne goh akte nasjovnaale aavoedimmie jïh akte tjåenghkies saemien heevehtimmie sjædta.

Demokratijem vijriedidh.

Prosjekten ulmie Tråantese 2017 lea dam histovreles heannadimmiem mïerhkesjidh jïh daajroem bæjjanidh, saemiej, saemien kultuvren jïh histovrijen bïjre aktene 100-jaepien perspektijvesne. Heevehtimmie edtja skreejrehtidh meatan årrodh jïh eadtjohke årrodh demokratijen gaavhtan, jïh sæjhta aaj tjelmide åvtese bïejedh jïh gihtjedh mij dorjesåvva juktie demokratijem vijriedidh jïjtjene tïjjen.

Profijle Tråantese 2017 sæjhta årrodh beagkoehtimmie, aavoedimmie, eadtjohkevoete, meatan årrodh jïh demokratije.

Heevehtimmien væhta.

Prosjektestuvreme jïh stuvremedåehkie Tråantese 2017 logom- væhtam veeljeme. Logo edtja heevehtimmiem mïerhkesjidh jïh guvvine årrodh heevehtæmman, jïh akte ihkuve byögkeles væhta årrodh daan heannadæmman.

Stuvreme dåehkie gøøkte logo-væhtah veeljeme maam lean ektiedamme, akten logo-væhtese. Dah guaktah mij daam logom dorjeme lægan Daniel Brox Nordmo jih Mikal Johansen. Dah guaktah åadtjoejægan 5000 kr fïere-guhte jih garmerdimmiem jih earoem.