Hopp til innhold

Heddabálkašupmái árvaluvvon

Beaivváš sámi teáhtera musihkkár Roger Ludvigsen ja jietna-ja čuovgahápmejeaddji Kurt Hermansen leaba árvaluvvon Heddabálkašupmái.

Ridnoaivi ja nieguidoaidni bihttás
Foto: Beaivváš Sámi Teáhter

Teatersjef ved Beaivvaš Haukur Gunnarsson og Gullik Hanssen

Haukur Gunnarsson

Foto: Marie Elise Nystad / NRK

Soai leaba árvaluvvon Heddabálkašupmái bargguin maid leaba dahkan Beaivváš Sámi Teáhtera "Ridnoaivi ja Nieguidoaidni" bihtás. Teáhterhoavda Haukur Gunnarsson illuda, ja doaivu sutno oažžut bálkašumi.

Teáhter lea moddii ovdalge árvaluvvon bálkašupmái

Gunnarsson muitala Anitta Suikkari árvaluvvon diibma Heddabálkašupmai, ja ovddit jagi ledje sii maid árvaluvvon dán bálkášupmái dakkáraš erenoamáš bihttáin mas lei sáhka iešguđetge kultuvrraid oktavuođaid nannemis. De dál leat sii goalmmát heave árvaluvvon Heddabálkašupmáii.

Rámida Ludvigsena ja Hermansena

Roger Ludvigsen

Roger Ludvigsen

Foto: Aslak Mikal Mienna

Haukur Gunnarsson lohká Roger Ludvigsena leat dovddus musihkkárin, son lea čuojahan Mari Boiniin guhkes áigge. Son dat leamašan Ridnoivvi musihka ovddasvástideaddji. Dán bihttás lohká musihkka leat erenoamáš dehálažžan. Ja Ridnoaivvis ja nieguidoaidni bihttás lei dusse Áillohaš musihkka. Nu leige musihkkageavaheapmi Ludvigsena ovddasvástádus bihttás.

Kurt Hermansen

Kurt Hermansen

Foto: Marit Anna Evanger

Kurt Hermansen lea ges leamaš mielde Beaivváš Sámi Teáhteris juo álggu rájes, 1981 rájes. Son ges lea čeahpes čuovgahápmejeaddji, lohká Gunnarsson.

Son lea bargan earáge teáhteriin. Diehtalasat lea bargan olu Beaivváš Sámi Teáhteris, muhto son bargá maid čuovgahápmenbargguiguin eará álmmolaš ásahusain. Dán guoktá, Roger Ludvigsena ja Kurt Hermansena lohká Beaivváš Sámi teáhtera Haukur Gunnarsson leat erenoamaš čeahpes olmmožin.

Sámegillii

Korte nyheter

  • Ođđa sámediggeválggaid ferte lágidit maŋimustá geassit

    Sámedikki ságadoalli Pirita Näkkäläjärvi ii sáhte vel dadjat, maid ođđa válggaid lágideapmi johtilis áigetávvaliin mearkkaša, dieđiha Yle Sápmi.

    Alimus hálddahusriekti (AHR) dagai historjjálaš mearrádusa, go mearridii vuosttaš geardde, ahte Suoma sámediggeválggaid galgá lágidit ođđasit.

    Ođđa válggaid galggašii sámediggelága mielde lágidit guovtte olles mánu geažes das, go válggaid gomiheames lea mearriduvvon.

    AHR presideanta Kari Kuusiniemi dulkojumi mielde ođđa válggaid galgá lágidit geassemánu loahpa rádjai.

    Pirita Näkkäläjärvi
    Foto: Ođđasat / Yle Sápmi
  • Eai beasa gieldda gohčodit Pajalan kunta

    Ruoŧa ráđđehus hilgu Pajala gieldda ohcamuša geavahit meänkieli nama «Pajalan kunta» gieldda bálddalas namman, čállá Fria Tider áviisa.

    Ráđđehus mieđiha, ahte lea vuogas čalmmustahttit veahádagaid ja nannet veahádatgielaid.

    Almmatge deattuha ráđđehus, ahte ii ovttage gielddas Ruoŧas leat eambbogo okta almmolaš namma. Sii livčče spiehkastan dás jus livčče dohkkehan ohcamuša.

    Fertešii lágaid rievdadit jus galggašii sáhttit gielddaide dohkkehit eambbogo ovtta nama.

    Meänkieli
    Foto: Svenske Tornedalingers Riksforbund – Tornionlaaksolaiset
  • Gielddaluohti bohciidahttá digáštallama

    Gáivuona gielddastivra evttoha dohkkehit sierra luođi gielddaluohtin. Dát ii oro buohkaid mielas nu buorre jurdda, go sin oaivila mielde ii leat Gáivuonas iežas juoiganárbevierru.

    – Mun in leat luođi vuostá. Luohti lea juoga mii gulai ja ain gullá boazodoalliide ja sámiide geain dát lea oassi iežaset kultuvrras, čilge gáivuotnalaš Levin Mikkelsen.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    Guovddášbellodaga gielddastivrraáirras Svein Oddvar Leiros dat evttohii, ahte Gáivuonas galggašii leat gielddaluohti. Son ii leat ovttaoaivilis Levin Mikkelsen čilgehusain.

    – Min gielddas lei dáruiduhttin dievaslaš. Dákkár oaivilat gullet dan áigái. Su suokkardallan čájeha, ahte Gáivuonas juigojuvvui. Nu ahte ii leat duohta ahte Gáivuonas ii leat juigojuvvon, lohká Leiros.

    Herman Rundberg ja su joavku Manne dat leat ráhkadan dán luođi.

    – Luođi mihttomearri ii lean suhttadit olbmuid, muhto digáštallan lea bures boahtin, árvala Rundberg.

    Gáivuona gielddastivra ávžžuha sidjiide ovddidit máhcahemiid gielddaluođi birra. Áigemearri lea dán mánu maŋimuš beaivve.