Dássážii dán jagis leat oktiibuot 61 olbmo heavvanan Norggas. Lohku lea gávcci eanet go diibmá seamma aiggi.
Ollu dáid heavvanemiide eai dieđe siva, muitala Chistiansen.
Eai dieđe duššansiva
Heavvaneaddjiid gaskkas leat oktiibuot 17 olbmo geain eai dieđe duššansiva.
Oktiibuot leat heavvanan 61 olbmo dán áadjai, ja eatnašat leat almmáiolbmot. Dán jagi statistihkka maid čájeha ahte leat eanet almmáiolbmot badjel 61 jagi geat heavvanit.
Eanaš almmáiolbmot
- Čilgehus dása sáhttá leat lunddolaš daningo dabalaččat leat almmaiolbmot geat johtet čázis. Soaitá maid boahtit das go boarrasatt olbmuin leat heajut sávrodat go nuorabuin ja danin leat duššanlogut allelis sin gaskkas, lohká Christiansen.
Ohcala vuodjanoahpahusa
- Ovddasfástádus mii livčče issoras dehálaš lea dat mii lea stáhtas, gielddas ja skuvllas dan vuodjanoahpahussii.
Go galggaš olbmuid eastadit duššamis, de lea buot deháleammos sin oahpahisgoahtit vuodjat ja birget čázis, lohká Christiansen.
- Eanet vuodjanáldásat
- Dasa lassin hálidivččiimet eanet vuodjanáldásiid huksejuvvot Norgii, ja maiddái ahte vuodjanoahpahus livčče bákkolaš ja dat galggašii maid leat mealgat viidát fálaldat gootne, lohká Chrisitansen.
Okta Finnmárkkus
Statisthikka čajeha maiddai ahte Nordlánddas leat viđas heavvanan, golmmas Tromssas, ja okta Finnmárkkus. Alimus heavvananlogut fylkkaid gaskkas leat Hordalánddas, gos čiežas leat dassášii duššan.
