NRK Meny
Normal

Heajos dálki hehtte girdijohtolaga

26 biilaluotta leat giddejuvvon Finnmárkkus heajos dálkki geažil. Dát čuohcá maid girdijohtolahkii.

Kraftig vind i Lakselv sentrum

Badjelaš guoktelogi biilaluotta leat giddejuvvon stoarpma geažil Finnmárkkus. Dá Leavnnja guovddášbáikkis dál.

Foto: Grete Utsi / Privat

Finnmárkkus leat badjelaš guoktelogi luotta giddejuvvon heajos dálkki geažil.

Stoarbma ja orkána

dálki

Ná lea borga ja garra dálki čiŋahan

Foto: Elle Gaup / NRK

Muhttun guovlluin Finnmárkkus lea leamaš olles stoarbma dál ovdalgaskabeaivvi. Muhttun riddoguovlluin ja ábis ges lea leamaš orkána. Metrologat dieđihit smávit riđu muhttun guovlluin, belohahkii garra riđu ja borgaovttiid. Duoddariin smávit borgaoavttit, muhto ložže dađistaga.

Siskkit-Billávuonas Porsáŋggus, Oarje-Finnmárkkus eai leat muhtomat duostan mátkkoštit bargui, garra biekka ja borgga geažil. Bearralvági skuvla Nuorta- Finnmárkkus lea giddejuvvon heajos dálkki geažil.

Iskka dálkki guovllus gosa áiggut mátkoštit

Stáhta geaidnobálvalus dáhttu olbmuid iskkat makkár dálki lea guovllus gosa olbmot leat jođus. Sáhttá luodda leat gitta gosa leat vuolgimin.