Heaittihit skuvllaid
Juohke vidát gielda Norggas árvvvoštalla heaittihit smávit skuvllaid. Dán dahket go hálidit stuorát skuvllaid dahje juo gielddaid oavttasdahttima oktavuođas, čállá VG ávisa. VG lea iskan 241 gieldda, 41 dáin leat mearridan dahje árvvoštallamin heaittihit smavit skuvllaid. Báiddar suohkan Nordlanddas lea árvvostallamin heaittihit ovtta skuvlla. Sivvan skuvlla heaittiheapmái lea go mánáid- ja olmmošlohku njiedjá, lohká Báiddár sátnejođiheaddji Monica Sande.