Heaitá mirkkoheamis
Stáhta Geaidnodoaimmahat áigu heaitit geavaheamis mirkkuid norgga geaidnoguoraide. Doaimmahat áigu baicce láddjegoahtit dakko gokko ovdal lea mirkkuid geavahan, čállá áviisa Nationen.
Luonddugáhtten lihttu lea cuiggodan dili go sin mielas lea Geaidnodoaimmahat menddo álkit beassan geavahit mirkkuid, ja erenoamážit glyfosat nammasaš mirkko.
Muhto guhkesáiggi šiehtadusaid dihte, de sáhttet ain mannat máŋga jagi ovdal geaidnodoaimmahat oalát heaitá mirkkuiguin.