– Imaš ja heahpat

Guovtti vahku geahčen galleda jagi 1989 Nobel ráfibálkkašumi vuoiti, Dalai Lama Norgga. Lama galgá finadit Stuoradikkis, muhto ii beasa geavahit váldouvssa.

Dalai Lama
Foto: Morris Matzen/Reuters

Dasa lassin lea eahpesihkkar háliidit go njuŋoš Stuoradikki politihkkárat deaivat su. Vuosttaš Sámediggepresideanta Ole Henrik Magga gohčoda dán njulgestaga heahpadin ja imašin.

Ole Henrik Magga

Imaš ja heahpat, dadjá Ole Henrik Magga.

Foto: Kjell Are Guttorm / NRK

– Dat lea hirbmat imaš ja stuora heahpadin Norgii. Norga lea dat riika mii hálddaša Nobel bálkkašumi, ii dat ahte norgga politihkkarat dan bálkkašumi juohkima. Muhto Norggas lea ovddasvástádus dalle gieđahallat ja gudnijahttit daid geat leat dán bálkkašumi vuostáiváldán, dadjá Magga.

Buoret ovttasbargu Kinnain

Stuorradiggipresideanta,Olemic Thommessen, logai ikte Dagsrevyen sáddagis ahte sii fertejit dál oččodit buoret ovttasbarggu Kinnain go nu ii leat leamašan maŋŋel 2010 go Liu Xiaobo oaččui Nobels ráfibálkkašumi.

  • Guldal ášši:
     : Heahpat Norgii