NRK Meny
Normal

Hástalit sámi nissoniid vuolgit mielde Gaza-gáddái

Orgnisašuvdna Womans boat to Gaza, dahje nissoniiddámpa Gazai leat ráhkkaneamen vuolgit Gaza-gaddai Palestiinnas, gos áigumuš lea čalmmustahttit mánáid jo nissonolbmuid vártnuhis dili. Sii hástalit dál maiddái sámi nissoniid searvat mátkái.

Gerd von der Lippe

Womens boat to Gaza organisašuvnna nubbinjođiheaddji, Gerd von der Lippe, hástuha sámi nissoniid searvat fanasmátkái Gazagáddái oarje-máilbmái fuomášuhttit Palestiinna nissoiid ja mánáid dili oarje-máilbmái.

Foto: Kurt Inge Dale / NRK

Nissondámpa Gazai organisašuvnna nubbijođiheaddji, Gerd von der Lippe dadjá ahte dát lea ođđa ja earálágan fuomášuhttinvuohki. Lippe dadjá nissonolbmot dat duođaid leat guovllu sáŋgárat, go sii han šaddet dáistalit go sin dievddut šaddet Israel giddagasaide soađi dihte.

Lippe dadjá ahte ođasgovas Gaza-váttisvuođat oalát jávket, ja Gaska-Nuortti soađit dat begget ođasgovas dadjá Gerd von der Lippe. Freedom Flotilla Coalition (FFC) lágidit jahkásaččat dámpamátkkiid Gazai, ja dán háve sii bidjet návccaid fuomášuhttut mánáid ja nissoniid dili Gaza-gáttis muitala Gerd von der Lippe.

Olmmošvuoigatvuođat ja solidariteahtta

Freedom Flotilla Coalition (FFC), mii lea nissoniiddámpa Gazai-gáddái duogábealde, dadje ahte sii doahttalit buohkaid olmmošvuoigatvuođaid beroškeahttá čearddalašvuođa, sohkabeali, náli, oskku, riikkagullevašvuođa, seksuálalaš rohttaseami dahje giela.

Lippe dadjá ahte guovddážis sin vuostálastinbarggus vuollásteami vuostá lea válddekeahtes vuostálastin. Sii deattuhit garrasit ahte sin lea solidariteahtta čájehuvvo Palestiinná álbmogii, iige guđege bellodagaide iige organisašuvnnaide.

Dál hástalit sámi nissoniid searvat

Gerd von der Lippe lohka sin dál geahččaleamen hástalit sihke sámi ja indiána bissonolbmuid searvat dámpamátkái. Son muitala ahte dámppa fanasveahka leat nissonolbmot, ja sii váldet duššefal nissonolbmuid mielde dán mátkái Gaza-gáddái. NRK sámi bealis leat gahččalan iskat ahte leatgo sápmelaččat vuolgimiin, muhto eat leat lihkostuvvan ovttage gávdnat.