NRK Meny
Normal

Háliidivčče

Vearbahámit (sii) livčče, (sii) háliidivčče muitalit sierra dovddaldagain ahte dat leat eaktovuogit (konditionála hámit).

Nuorttanaste, 2009:5.
Foto: Else Turi / NRK

Geažusmoivi

Konditionála lea eaktovuohki ja dat merkejuvvo sátnehápmái sierra dovddaldagain, omd. (sii) boađáše(dje), (sii) muitalivčče. Dovddaldat dahká ahte vearbbat ožžot vel ovtta stávvala mii váikkuha geažusválljemii. Dat mearkkaša ahte boahtit-vearba čuovvu bárahisstávval vearbbaid preterihta sojahusa (boađášin, boađášit, boađášii, boađášeimme, boađášeidde, boađášeigga, boađášeimmet boađášeiddet, boađáše(dje) ja muitalit-vearba gis bárrastávval vearbbaid preterihta sojahusa (muitalivččen, muitalivččet, muitalivččii, muitalivččiime, muitalivččiide, muitalivččiiga, muitalivččiimet, muitalivččiidet, muitalivčče).

Mearkkašehket fal konditionála guvttiid- ja máŋggaidlogu 2. ja 3. persovdnahámiid go daidda vigget laktásit eará gehčosat!

Geahča sojahusaid giellaoahppagirjjiin dahje dás: Vearbasojahus