Háliidit eaiggáduššat fatnasiid

Eanet nuorra guolásteaddjit háliidit eaiggáduššat iežaset fatnasiid. Nu muitala Norges Fiskarlaga jođiheaddji, Kjell Ingebrigtsen. Mannan vahkus dieđihuvvui ahte Norggas lea guolásteaddji lohku lassánan. Ja 19 proseantta guolásteddjiin leat vuollel 30 jagi. Dat leat olu nuorat geat háliidit eaiggáduššat fatnasa, ja oallugat áigot bargat bargoveahkan, dadjá Ingebrigtsen.

Korte nyheter

  • Korona njuolggádusat rivdet

    Otná rájes rivdet korona njuolggadusat Norggas. Muhtin gáržžideamit leat ložžejuvvon ja dál besset maid eanet olbmot doaluide čoahkkanit, nu čállá
    Kultuvrra ja dásseárvoministtar Anette Trettebergstuen preassadieđáhusas ikte.

    Ráđđehus diktá dál gitta 1500 olbmo searvat sistedoaluide, gos čohkkánsajit galget leat giddejuvvon. Olgodoaluide lea ráddji dál 3000 olbmo. Njálbmesudjii lea dieđus dehálaš ja gaská doalahit.

    Anette Trettebergstuen møter ledere i Norges idrettsforbund
    Foto: Stian Lysberg Solum / Stian Lysberg Solum
  • Sisabahkkemat sámis lassánit

    Norgga olmmošvuoigatvuođaásahus, NIM lea čállán raporta makkár olmmošvuoigatvuođaid leat rihkkun sisabahkkemiin sámiid geavahanguovlluin. Dás boahtá ovdan ahte lea rievdan dan guvlui ahte sámiid beroštumiid guldalit, seammás de NIM-raporta čájeha ahte lassánit dákkár sisabahkkenáššit sámi guovlluin. Dálá rievttálaš suodjaleapmi sisabahkkemiid ja huksemiid vuostá ii leat doarvái buorre, deattuhit dán raporttas, seammás celket gal ahte dat nákce bissehit olu daid ohcamušain maid gohččodit sisabahkkemiid sámi guovlluide. Dás logat olles raporta (Norgga olmmošvuoigatvuođaásahusa siiddut)

    Vindturbiner i Roan Vindpark på Fosen
    Foto: Dan Robert Larsen / NRK
  • Dokumentára seksuálalaš veahkaválddis

    Guokte sámi nissona muitaleaba "The Silence in Sápmi" filmmas seksuálalaš veahkaválddi birra maid soai leaba vásihan ja go leat geahččalan jávohuhttit sudno. Dokumentárafilmmas muitaleaba Ida Labba Persson ja Marion Anne Mienna Rimpi vásáhusain, ja filbmadahkki Liselotte Wajstedt lea geavahan gávcci jagi filmma gárvvistit, mii dál čájehuvvo TIFF doaluin. Loga eambbo dás

    Regissør Liselotte Waistedt.
    Foto: June Grønnvoll Bjørnback / NRK