Háliidit bivdit goaskima

Váikko goaskin lea ráfáiduhtton, de háliida Romssa Fremskrittspartiet bivdit goaskima. Romssa fylkkas leat eanemus goaskinat olles riikkas, ja jus unnidit goaskinnálli, de seasttašii servvodat máŋga miljovnna go eai dárbbaš máksit buhtadasa, nu dadjá Romssa Fremskrittspartieta John Karlsen. Norgga luonddudutkan instituhtta meroštallá ahte leat 1.250 goaskimat olles Norggas, ja bealli dán nállis lea Davvi-Norggas.