NRK Meny

Háliida váidit Norgga

Sáhttá ahte Greenpeace duohtandahká iežas áitagiid váidit Norgga stáhta go juohká oljoohcanlobiid Árktisis. Greenpeace lea fárrolaga eará organisašuvnnaiguin čohkkegoahtán ruđa oažžun dihtii Norgga Alimusriektái. Dat ahte rahppojit eanet vejolašvuođat oljobohkamii sáhttá rihkkut Vuođđolága birasparagráfa man mielde boahtte buolvvain maid lea vuoigatvuohta buori dálkkádahkii.