Hopp til innhold

Sámi allaskuvla háliida nannet sámi árbevirolaš máhtu

Ikte geigii Sámi allaskuvlla rektor čállosa Dálkkádat ja biras departemeantta stádačállái dan oskkus ahte stáhta ásaha sámi 8J-guovddáža skuvlii.

8J forslag overrekkes

8J árvalus geigejuvvo

Foto: Johan Ánte Utsi / NRK

Mánnodaga lávvogulahallama oktavuođas Diehtosiiddas Guovdageainnus geigii Sámi allaskuvlla rektor Gunvor Guttorm árvalusa Norgga Dálkkádat ja birasdepartemeantta stáhtačállái Lars Andreas Lundei.

Skuvllas lea dáhttu ásahit guovddáža mii galgá buoridit Norgga eiseválddiid buorebut vuhtiiváldit báikkálaš ássiid ja álgoálbmogiid árbevirolaš máhtu, erenoamážit eananhálddašeamis ja go mearridit ođđa vugiid movt hálddašit eatnamiid.

Lars Andreas Lunde

Lars Andreas Lunde

Foto: Johan Ánte Utsi / NRK

CBD-konvenšuvdna ii vuhtiiváldojuvvo

Sámi allaskuvla lea guorahallan man olu ja movt sámi árbevirolaš máhttu vuhtiiváldojuvvo go areála- ja birasgáhttenáššit mearriduvvojit Norggas.

Bohtosat dán guorahallamis čujuhit dasa ahte biologalaš máŋggabealátvuođa konvenšuvdna (CBD) ja meahci máŋggabealátláhka láhkačálus paragráfa 8 ii leat beare oahpis areálagáhttejeddjiid ja dát ii vuhtiiváldo areála hálddašeamis.

Dálkkádat- ja birasdepartemeantta stáhtačálli Lars Andreas Lunde válddii čállosa. Vaikko son ii sáhte lohpidit maidege, de son lea positiivvalaš ásahit sámi 8J-guovddáža Sámi allaskuvlii.

– Jua, mun jáhkán ahte lea dehálaš ávkkástallat báikkálaš máhtu mii sápmelaččain ja eará álgoálbmogin lea das movt gáhttet meahci ja meahci valljivuođa, nu ahte dalle sáhttá doaimmahit guoddi ealáhusovdánahttima, lohká Lunde.

Inger Marie Gaup Eira

Inger Marie Gaup Eira

Foto: Johan Ánte Utsi / NRK Sápmi

Giđđalodden

Vuosttašamanueansa Inger Marie Gaup Eira váldá ovdamearkan giđđaloddema movt sámi 8J-guovddáš sáhtášii ávkin leat sihke sápmelaččaide, báikkálaš ássiide ja Norgga eiseválddiide.

– Giđđalodden lea buorre ovdamearka dása. Dát árbevierru čájeha makkár máhttu báikkálaš ássiin ja sápmelaččain lea dán bivdui. Seammás vuhttui eiseválddiid bealis ahte lei olu maid sii eai oba diehtánge dán árbevirolaš máhtus, lohká Eira.

Publisert

Mer fra NRK Sápmi

Korte nyheter

  • Ođđasat - Davvisámegillii

    Stuorra beroštupmi lohkat sámegiela

    Dál leat ohcciid logut almmolaččat Sámi allaskuvllas ja erenoamáš bivnnut lea lohkat sámegiela easkaálgi dásis. Dássážii leat 70 ohcci ja eatnašat sis leat bidjan dán váldovuoruheapmin. Masteroahpu sámegielas lea maiddái bivnnut, 24 leat ohcan dasa.

    – Lea hui buorre oaidnit loguid ahte man gallis háliidit oahppat sámegiela ja lea šállu go mis leat dušše 15 oahpposaji. Dát mearkkaša ahte lagabui 55 kvalifiseren ohcci gártet vuordinlistui, ja danne ferten boahttevaš vahkuid vuoruhit gulaskuddančoahkkimiid sihke Sámedikkiin, ráđđehusain ja Stuorradikkis politihkalašjoavkkuiguin, dadjá rektor Liv Inger Somby. Go giellaoahppu lea nu bivnnut, de ferte dása gávdnat čovdosiid, eambbo resurssaid ja ruđa, joatká Somby.

    Sámi allaskuvla fállá maiddái easkaálgi oahppu lullisámegielas ja dása leat 11 ohcci, muhto máŋggas eai leat vuoruhan dán oahpu bajimužžii. Nu čállá Sámi allaskuvla preassadieđáhusas.

    Sannhets- og forsoningskommisjonen overrekker rapporten. Kommisjonsmedlem Liv Inger Somby.
    Foto: Torgeir Varsi / NRK Sápmi

  • Suodjalus lea viežžan iežaset ruskkaid álbmotmeahccis

    Ruskkat maid gávdne duoddaris maŋŋá Nordic Response soahtehárjehallamiid lea dál vižžojuvvon Suodjalusas.


    Maŋŋágo Nato-hárjehallan Nordic Response lei leamaš Rávttošvuomi álbmotmeahcis njukčamánus, de fuomášuvvui ahte guovllus ledje ollu ruskkat.

    - Dát ii livčče galgan dáhpáhuvvat, dadjá Marianne Rygh Bø, gii lea birasgáhttenoffiseara Suodjalusa operatiivvalaš váldoguovddážis.

  • Nyhetssenter Troms og Finnmark

    Trekker drikkevanns-protest

    De planlagte vindturbinene som kunne true drikkevannet i Berlevåg, skal flyttes.

    Det har Varanger Kraft Hydrogen besluttet.

    I fjor sa Mattilsynet nei til å utvide vindkraftanlegget på Raggovidda. Grunnen var at et eventuelt utslipp av kjemikalier ville havne i drikkevannet.

    Men en flytting av fire turbiner var alt som skulle til. Nå har Mattilsynet trukket tilbake sin innsigelse.

Langlesing

Gahčosat

  • Telefon Kárášjohka:  78 46 92 00
  • E-post:  sapmi@nrk.no
  • E-post nyhetsredaksjon:  saminyhetsavdeling@nrk.no
  • Redaktør NRK Sápmi:  Johan Ailo Kalstad
Norsk Presseforbund, logo.

Vi arbeider etter
Vær Varsom-plakatens regler
for god presseskikk.

Den som mener seg rammet av urettmessig publisering, oppfordres til å ta kontakt med redaksjonen. Pressens Faglige Utvalg (PFU) er et klageorgan oppnevnt av Norsk Presseforbund som behandler klager mot mediene i presseetiske spørsmål.

Nyhetstips 03030

Kontakt

Hjelp

Tjenester

Produksjon

Salg

Til toppen