Ola Graff, muitala rádjosa ferte vuos ovdal almmuheami geahčadit lagabuidda, go doppe han sáhttet leat nu persovnnalaš dieđut maid ii oppa heivege almmuhit.
Ii leat barggatkeahttá
Musea luohterádjosis leat aŋkke sullii 5000 luođi, ja Norgga Sámiid Riikkasearvi dáhtošii rádjosa eanet ávkin álbmogii, muitala jođiheaddji Beaskka Niillas. Graff ii mieđit iežaset orron barggakeahttá ja muitala oassi Guoládaga guovllu luđiin, lea earret eará almmuhuvvon CD:i. Lunddolaš lea maid almmuhišgoahtit daid boarráseamos luđiid ja de dađistaga bidjat eanet ja eanet.
Lea maid ollu bargan áššiin
Juigiid searvvi lea maid ollu jagiid bargan áššiin ja diehtá bures man árvosaš luohteárbi Romssa museas rájaduvvo. Searvvi mielas lea unohas go luohterájus lea nu unnán olámuttos álbmogii, dajai jođiheaddji, Biret Risten Sara duvle.
- Guldal olles ášši.