Finnmárkku fylkamánni háliida geahpidit suohkanlogu fylkkas, viđanuppelohkái. Dat boahtá ovdán fylkamánni ávžžuhusas, gos lea čállon boahtteáigásaš suohkanstruktuvrra birra, ja maid son odne ovdanbuktá. Son ávžžuha Fálesnuori ja Hámmárfeasta, Áltá ja Láhppi, Gáŋgaviika ja Davvesiidda, ja vel Unjárgga ja Deanu eaktodáhtolaččat ovttastuhttojuvvot. Guhkesáigásaš mihttu lea maiddái ovddidit Finnmárkku 5-6 regiovnnaid vuosttá, čállá fylkamánni su guorahallamis.
Girječálli Inga Ravna Eira, sámi girječálliid searvvis, lei okta dain gii čuovui seminára.
– Dát mearkkaša hui olu sámi girjjálašvuhtii ja sámi girječálliide, danin go mii leat guhká váillahan girjjiid mánáide erenomážit ja maiddai nuoraide.
Su mielas lea buorre go dákkár seminára dollo, ja muitala ahte sis lea ihttin gis bargobádji mas galget digaštallat mo galget bargat sámi mánáid girjjálašvuođain ovddasguvlui.
Son čilge ahte Sámis eai leat doarvái mánáidgirječállit, ja jus galget eambbo mánáidgirjjit de adnojit eambbo girječállit maiddái mánáid ja nuoraide.
– Jus mis galgá boahtteáiggis gávdnot sámegiella, de fertet mii álgit mánáiguin ja mánáide. Erenomážit dál galggašii dahkkot hui stuorra bargu oažžut olu sámegiel mánáidgirjji.
Son dadjá ahte mánát galggašedje álgit beassat gullat girjjiid dalán go riegádit ja gitta 13-14 jagi rádjái, muhto ahte Sámis eai leat girjjit buot daid ahkásaččaid.
– Min oainnu mielde lea hui dehálaš sámegielat mánáide oažžut dan vásáhusa, girjjit han ovddidit sámegiela ja go mánát gullet iežaset gillii girjji, dain leat máŋggalágan vásáhusa.