Festiválabuvttadeaddji Susanne Langstrand-Andersen dadjá Márkomeannu galgá leat mielde máhcahit luođi Lulli-Romsii ja Ufuhttii.
– Dán jagi galgá luohti gullot earenoamáš jitnosit Márkomeannus, almmuha festiválaáŋgiris buvttadeaddji preassadieđáhusas.
Luohti measta jávkan
Oarje-Romssas ja Ufuohtas lea luohti measta oalát jávkan, ja stuorra oassi báikkálaš luohtesuopmanis lea láhppon.
– Lea measta beare muitalusaid bokte ahte dát oassi min kulturárbbis eallá. Márkomeannu lea nai Oarje-Romssas ja Ufuohtas hárves arena, gonnes luohti duođas gullo ja gonnes luohti lea vel lunddolaš oassin musihkkaprográmmas. Muhto mii háliidit luođi gullot eará báikkiin go beare lávddis, dadjá Langstrand-Andersen.
Luohtedeaddu
Dán jagi Márkomeannu prográmmas leat dievva luohteherskot. Sierra luohtetrubadura mánáide, populearadieđalaš logaldallan luođi birra, luohtekonferansiera ja drop-in luohtekursa mii galgá giktit luođi festiválagussiin.
Márkomeannu lágiduvvo suoidnemánu 28.-31. beivviid Gállogiettis Evenáššis, ja festivála rahppo dieđus luđiin.
– Mii allaáiggálaččat rahpat festivála govvenvuosehusain Ivar Murbergas, ja dasa lassin dieđus luđiin, muitala Susanne Langstrand-Andersen.
Luohteprográmma lágiduvvo ovttasbarggus Sámedikkiin ja Norgga Kulturráđiin.
Márkomeannu lágiduvvo suoidnemánu 28.-31. beivviid Gállogiettis Evenáššis, ja festivála rahppo dieđus luđiin.
Foto: Preassagovva (www.markomeannu.no)
