NRK Meny
Normal

Háliida šaddat sámi suohkanin

Aarporte suohkanstivra, Nordlánddas, galgá cuoŋománus gieđahallat ahte galget go ohcat beassat sámegiela hálddašanguovlun.

Hattfjelldal kirke

Dá lea Aarporte girku.

Foto: Billy Jacobsen / NRK 2009

Sátnejođiheaddji Asgeir Almås čilge ahte sidjiide lea dehálaš seailluhit ja nannet lullisámegiela ja kultuvrra, go dat lea stuora oassi suohkana historjjás.

Aarporte sátnejođiheaddji Asgeir Almås, čilge ahte sii leat árvvoštallame ohcat šaddat lullisámegiela hálddašanguovlun, go Norlánddas leat dušše hálddašanguovllut mat ovddastit julevsámegiela.

Ordfører i Hattfjelldal, Asgeir Almås (Ap)

Aarporte sátnejođiheaddji, Asgeir Almås.

– Suohkanis lea lullisámi álbmot, ja sámi ásahusat, ja danne livčče lunddolaš šaddat sámegiela hálddašanguovlun. Cuoŋománus galgá suohkanstivra mearridit galget go ohcat, vai eai, dadjá Almås.

Buorit ođđasat

Sámedikki politihkkalaš ráđđeaddi Runar Myrnes Balto mielas gal leat dá buorit ođđasat.

– Sámediggeráđi oainnu mielde lea dát hui positiiva signála Aarporte suohkanis, go sis lea dáhttu váldit erenomáš ovddasvástádusa lullisámegiela ovdáneami hárrái. Mii han diehtit dan ahte lullisámegielas leat erenomáš hástalusat. Ja go goalmmát suohkan dál vel dáhttu guorahallat searvat sámegielhálddašanguovlun, de lea dat hui buorre, dadjá Myrnes Balto.

  • Guldal ášši:
    Aarborte hálida sámi suohkanin