NRK Meny
Normal

Ij naan beetnegh Saemien Sijtese

Snåasesne håjnoehtieh. Ij leah Saemien Sijte meatan Staaten budsjedtesne 2015.

Birgitta Fossum

Birgitta Fossum håjnoes daan Staaten budsjedten bïevnesen bijre.

Foto: Kjell Roger Appfjell / NRK

– Mijjieh njojjegidh. Daam son moenedim! jeahta Saemien Sijten åejvie Birgitta Fossum.

Mij daelie sjædta?

Daelie tjoeveribie tjarke barkedh jih politihkeridie orre tjåanghkojde gåtjkoehtidh.

Daate lea vihkeles aamhtse abpe Nøørjese jeahta Fossum.

Nøørjen reereme sjeavodh.

Snåasen tjïelten åvtehke Vigdis Hjulstad Belbo tuhtjie nåake ij maam reeremistie govleme.

Vigdis Hjulstad Belbo (Sp)

Snåasen tjïelten åvtehke Vigdis Hjulstad Belbo.

Foto: Liv Inger Somby / NRK

Ij leah Reereme maam mijjese jeahteme. Dihte lea nåake! Tjoevere mijjese bïevnedh maam edtjebe darjodh. Guktie daate barkoe maahta åvtese juhtedh. Mejtie jeatjah soejkesjem åtna? Tjoeveribie vihth raarastalledh, jeahta Snåasen åvtehke Hjulstad Belbo.

Staaten budsjedte 2015. Nøørjen reereme maakseme 2 milj kr, daan gielejarngese Sámigiella gáldu. Dah Saemiedigkieh, Nøørjesne, Sveerjesne jih Såevmiesne, vihkeles ektiebarkoem darjoeh jih saemien gielide nænnoestidh jeahta Moderniseringsministere Jan Tore Sanner pressebïevnesne.

Staaten budsjedtesne, ussjedieh 429 millj kr Saemiedaegkan maeksedh. Maaksoe daan gïelejarngese lea, seamma budsjedtesne goh Saemiedigkien.3,16 prosent dæjmatjistie julliedemme. Saemien aamhtside ussjedieh 890 milj kr maeksedh.