NRK Sámi journalista ja kommentáhtor Per Klemetsen Hætta lea jápmán maŋŋil guhkibuš buohcama.
Hætta lei riegádan Guovdageainnus ja rávisolmmožin orui son Tromssa gávpogis. Son barggai NRK Sámi báikkálaš kantuvrras Romssas, gos su váldobargun lei guorahallat álgoálbmot ja olgoriika politihkalaš áššiid.
Ovdal go bargagođii journalistan lei son Tromssa universitehta sámi dutkamiid guovddáža nubbin jođiheaddji ja lei maid bargan Sámedikkis konsuleantan. Son šattai 51 jahkásažžan.