Namdal bruk håhkesje dihte soejkesje barkoe « Destinasjon Skorovas» daan jaepien riejries sjædta. Dellie maehtebe bievnedh jih gåetiesijjede mubpien jaapan doekedh.
Skorovatn: – Daate lea åssjalomme orreme, daelie vuejnebe mij daestie Destinasjon Skorovas sjædta, jeahta investore jih aajhtere Ola Mæle, daan Namdalsavisan plaerese. www.namdalsavisa.no/Nyhet/article7585501.ece gåessie soejkesjemme barkoem Namskogan jih Raarvijhken tjïeltide bievnedi.
Almetjh tjuerieh maeksedh.
Jis daate hæhtjoe dajve edtja Skorvasne sjidtedh, dellie almetjh Trøøndelaagesne jih åarjel Helgelaantesne tjuerieh ïedtjelgovvedh ,hæhtjoe sijjiem åestedh.
– Ibie gaajhk 1000 hæhtjoeh dallegh bigkh. 1000 fuelhkieh edtjieh hæhtjoem dah båetijen 20 jaepien bigkedh. Mijjieh edtjebe dah gåetie sijjieh øørnedh, jeahta Mæle.
Mæle jeahta, jijnjes sijhtieh beetnegh nuhtjedh jih eatnemen lïhke årrodh jih vaeresne eejehtidh.
– Dah mah vaeresne vaanterdieh, daelvegen tjuejkieh, jih tjaktjen vijreminie. Dejtie almetjidie sïjhtebe Skorvase.
Tjåahkeren Sijte vuestele.
Skorvase lea Tjåahkeren rihrehkesnie, daate øøvre gåarhmede sjædta, jeahta Tjåahkeren sijten åvtehke Algot Jåma.
– Mijjieh daam vuestielibie. Eah leah eensi, konsekvense goerehtimmem dorjeme. Daate gaajh nåake båatsose sjædta jeahta Algot Jåma
Magkeres tjoeperh daatne vuajna, jis daejtie hæhtjojde bigkieh?
– Eah leah ajve dah hæhtjoeh, gaajhk almetjh mij vaaran båetieh jih bovtside sturrieh. Dihte barkeme mij bïjre- jarkan sjædta, dihte vïerremes, jeahta Algot Jåma.