NRK Meny
Normal

Haddenággu dolkada

Norgga stuorámus boazonjuovahaga eaiggát, Thor Aage Pedersen, lea dolkan gullamis ahte son verroša go mahká ii mávsse boazoeaiggádiidda dan hatti maid sii ánssášivčče; bohccuid kvalitehta ja deattu ektui.

Thor Aage Pedersen om importkvoten
Foto: Harry Johansen / NRK

Danne lea maid sutnje illosáhkan ahte eiseválddit dál leat ráhkadahttimin oktasaš njuolggadusaid dasa mo njuovahagat galggašedje meroštallat dahje klassifieret bohccuid.

Sávahahtti dilli

Son lohká oktasaš njuolggadusaid buot Norgga njuovahagaide sáhttit eastadit boahtteáiggis šaddamis nákku boazoeiggádiiguin go galget meroštallat guđe luohkkáide bohccogorudat gullet.

NRK Sápmi leat geahčadan mo norgga boazonjuovahagat meroštallet dahje klassifiserejit bohccuid. Norgga 20 njuovahagas leat stuora erohusat.

Njuolggadusaid haga

Dál eai leat Norgga boazonjuovahagain makkárge oktasaš njuolggadusat mo meroštallat gorudiid iešguđege hadde-luohkkáide.
Almma bealakeahtes darkkisteame mearredit njuovahagat ieža makkar haddeluohkkai juohke boazu gulla.Váidin orgána váilo. Ja almmolaš dieđut mot fitnodagat klassifiserejit eai gávdno.

Haddeeahpádusat

Norgga boazosápmelaččaid Riikasearvi vásiha ahte boazoeaiggádat leat duhtameahttumat go eai dieđe ožžot go sii dan hatti maid ánššašit bohccuid ovddas maid vuvdet njuovahagaide.

Ollugat vásihit gorudiid mannet vuolit haddeluohkkái go maid galggaše.
NBR jođiha dál barggu gavnnahit oktasaš njuolggadusaid njuovahagaide, áiddo nu mo eanandoalusge leat.

Thor Aage Pedersen ipmirda ahte muhtin boazoeaiggádat leat duhtameahttumat muhto son ii loga sáhttit máksit buori hatti bierggus mas lea heajos kvalitehta.
Guldal: